Իմաստության (8-րդ) ատամի հեռացում
Իմաստության ատամի հեռացումը վիրաբուժական միջամտություն է, որն իրականացվում է տեղային անզգայացմամբ: Իմաստության ատամները վերջին ատամներն են, որոնք սովորաբար սկսում են աճել 17-25 տարեկանում։
Իմաստության ատամների հեռացումը դառնում է անհրաժեշտ, երբ՝
• դրանք ցավ են պատճառում,
• խախտում են կծվածքը,
• առաջացնում են լնդերի բորբոքում,
• եթե տարածքը, որտեղ նրանք աճում են, չափազանց նեղ է,
• եթե ատամները գտնվում են անկյան տակ:
Իմաստության ատամը հեռացնելուց հետո վերականգնման համար կարող է որոշ ժամանակ պահանջվել:
Պացիենտներին խորհուրդ է տրվում միջամտությունից հետո մի քանի օր ուտել փափուկ սնունդ, խուսափել ծխելուց և ալկոհոլային խմիչքներից։ Բացի այդ, ցավը մեղմելու և վարակի վտանգը նվազեցնելու համար կարող են նշանակվել ցավազրկողներ և հակաբիոտիկներ:
